«Діни экстремизмнің алдын-алу»

№12 кітапхана-филиалы және Жастар орталығының ұйымдастыруымен Жәйрем кентінің имамы Ақмағамбет Мүрсәлі мырзамен «Діни экстремизмнің алдын-алу» атты кездесу өткізілді.
Мақсаты: Діни экстремизмнің алдын алу бойынша жастардың діни сауаттылықтарын ашу;
• Терроризм мен діни экстремизмнің алдын алу және онымен күресудің жолдары, елімізге келтіретін зардаптарын жан - жақты талдап, оқушыларға ой салу;
• Қатер төндіретін жат діни ағымдардан сақ болуға, жастарды Отан сүйгіштікке тәрбиелеу;
• Қазақ халқының діни ұстанымы мен салт - дәстүрлерін қастерлеп сақтауға, ұрпақтар сабақтастығын нығайтуға ат салысу.

Кездесуге мектеп оқушылары мен жасөспірімдер , мұғалімдер қатысты.
№12 кітапхана ұжымы «Дүние даналығы - дінде» атты кітап көрме ұйымдастырып, оқырмандар назарына ұсынылды. Көрмеге барлығы 35 дана кітаптар мен журналдар қойылды.
Елбасымыздың сөзімен айтсақ, «Діни экстремизмді алатын болсақ, ол адамдар арасына ірткі салуға, өшпенділік отын тұтатуға, қантөгістер ұйымдастыруға жол ашады. Пиғылы бөтен, қазақтың болмысына жат ағымдарға қазір тосқауыл қоймасақ, онда ертең бірлігімізге сызат түседі.
Егер елімізде нағыз таза мұсылман, Құранның жолымен жүретін халық көп болса елде береке, бірлік тыныштық болады». Еліміз аман,жұртымыз тыныш болғай!!!