Мариям Хакімжанова

                                                                                                                                                               ХХ ғасырдағы әдебиет пен мәдениетіміздің белгілі қайраткері, тұтастай бір ғасырдың қуанышын да, қайғысын да  басынан өткізіп, өз заманының мүддесін, мұң-мұқтажын жырлаған Қазақстанның халық жазушысы Мәриям Хакімжанованың бүгін16-шы қараша туған күні. Жазушы оқырман қауымға өзінің азаматтық әуені асқақ, әлеуметтік мәні зор кемел дүниелерімен мәшүр.
Туған елдің топырағында болып жатқан әрбір жаңалық, өскелең халқымыздың әрбір жасампаз қимылы,  дала табиғатының жан жадыратар әрбір құбылысы ақын қаламынан қақас қалып көрген емес. Ақынның «Мәншүк» поэмасы қаhарман ерлікті паш етумен бірге қазақ қыздарының рухани ерлігін,  әдеби асқақ бейнесін әдемі  сомдаған туынды.Сонымен қатар әр тұста, әр жылдарда әртүрлі уақиғаларға бағыштап жазған шынайы жырлары да қазақ поэзиясының елеулі  жетістіктерінің  бірінен саналады, оның әрбір жолынан, әрбір шумағынан азаматтық парыз аналық мейірім лебі еседі.Ақынның тұңғыш рет топтастырылып жарық көргелі отырған үш томдық шығармалар жинағы шықты.Онда еш жерде жарияланбаған дүниелері де тұңғыш рет ұсынылып отыр.